Bir daha Lüksemburq Böyük Hersoqluğu Avropanın ən mühüm musiqi yarışmasını təşkil etmək şərəfinə nail oldu və ilk dəfə olaraq alman dilində bir mahnı mükafatı qazanmağı bacardı.
Yeni qaydalar təqdim edildi
Lüksemburqun paytaxtı 11-ci Avroviziya Mahnı Müsabiqəsinin vətəni oldu. Müsabiqənin qaydaları dəyişdirildi və milli münsiflər heyətinə yenidən musiqi mütəxəssisləri daxil ola bildi. Əsas dəyişiklik mahnıların iştirakçı ölkənin rəsmi dillərindən birində ifa olunmasını şərtləndirən qaydanın tətbiq edilməsi idi.
Məşq zamanı italiyalı iştirakçı Domeniko Modunyo orkestrdən razı qalmamış və əsəbləşərək səhnəni tərk etmişdir. Onun canlı şou zamanı çıxış edib-etməyəcəyi qeyri-müəyyən idi, lakin o, “Dio come ti amo” mahnısını ifa etdi. Mahnı daha sonra 1964 Avroviziya Mahnı Müsabiqəsinin qalibi Ciliola Çinqkuettinin Cənubi Amerikada böyük uğur qazanmasında böyük rol oynadı.
Avstriya qalib gəlir
Avstriya təmsilçisi Udo Yürgens ardıcıl üçüncü dəfə Avroviziya Mahnı Müsabiqəsində iştirak etdi və nəhayət, “Merci, chérie” mahnısı ilə Vətəninə ilk qələbəni qazandırdı. Udo daha sonra alman dilli ölkələrdə ən çox sevilən sənətçilərdən birinə çevrildi.
Faktlar və rəqəmlər
• Gələcək mahnı müsabiqəsinin aparıcıları Lill Lindfors və Ose Kleveland bu müsabiqədə təmsilçi kimi iştirak edərək müvafiq olaraq 2-ci və 3-cü yeri tutdular. Ose öz ifasında ənənəyə məhəl qoymadı və Avroviziya Mahnı Müsabiqəsində don geyinməyən ilk qadın oldu;
• Niderland təmsilçisi Milli Skott müsabiqədə iştirak edən ilk qaradərili müğənni olub.
