INFE Azerbaijan

Official Member of INFE Network

İtalya üçün ilk qələbə – 1964

1964 Avroviziya Mahnı Müsabiqəsi Danimarkanın Kopenhagen şəhərində baş tutdu. İtaliya ilk qələbəsini “Non ho l’età” mahnısı ilə İtaliyanın “Sanremo” festivalının qalibi olmuş 16 yaşlı Ciliola Çinqkuettinin ifa etdiyi mahnı ilə qazandı.

Səhnədə etiraz

1964 Avroviziya Mahnı Müsabiqəsi Kopenhagendəki məşhur Tivoli Konsert Salonunda baş tutdu. Müsabiqə İspaniya və Portuqaliyadakı sağçı diktaturaların müsabiqədən kənarlaşdırılması tələbləri ilə çox siyasiləşdi. Müsabiqə zamanı hətta Belçikanın çıxışından bir qədər öncə səhnəyə “Frankonu və Salazarı boykot et” yazılmış pankartla bir nəfər daxil oldu. O, tezliklə səhnədən uzaqlaşdırıldı.

Öncəki üç müsabiqədə olduğu kimi, müsabiqədə 16 ölkə iştirak etdi. İsveç iştirak etməməyi seçərkən Portuqaliya debüt etdi. Almaniya, Portuqaliya və İsveçrənin hər biri ilk dəfə sıfır xal topladı. Portuqaliyaya gəlincə, bu, müsabiqə tarixində ilk dəfə idi ki, yeni qatılan ölkə heç bir xal qazana bilmədi.

Qalib haqqında

İtaliya ilk qələbəsini 16 yaşlı Ciliola Çinqkuettinin ifa etdiyi “Non ho l’età” mahnısı ilə qeyd etdi. Ciliola 1974-cü ildə də müsabiqədə iştirak edəcək və Toto Kutunyo ilə birlikdə 1991 Avroviziya Mahnı Müsabiqəsinin aparıcısı olacaqdı.

Faktlar və rəqəmlər

1956-cı ildə keçirilən ilk yarışmada olduğu kimi, şounun heç bir məlum qeydi yoxdur. Bunun 1970-ci illərdə Danimarka yayımçısı DR-nin studiyalarında baş vermiş yanğın və digər yayımçıların heç birinin bütün şounu lentə almaması nəticəsində baş verdiyi bildirilir. Müsabiqənin səs yazısı kimi qalib gələn reprisin qısa qeydi hazırda mövcuddur.

Next Post

Previous Post

© 2023 INFE Azerbaijan

Theme by Anders Norén