INFE Azerbaijan

Official Member of INFE Network

AVROVİZİYA 2023 UKRAYNADA KEÇİRİLMƏYƏCƏK!

May ayında Ukraynanın Avroviziya Mahnı Müsabiqəsində qalib gəldikdən sonra yarışmanın gələn ilki aqibəti hər kəsə maraqlı idi. Avropa Yayımlar Birliyi ölkənin ictimai kanalı UA:PBC ilə gələn il müsabiqənin harada keçirilməsi ilə bağlı variantları müzakirə edirdi.

Avroviziya Mahnı Müsabiqəsi dünyanın ən mürəkkəb televiziya istehsalıdır. Bunun üçün 12 aylıq hazırlıq vaxtı tələb olunur və minlərlə insan bu tədbirin üzərində işləyir. Hər nə qədər qalibinin növbəti il ​​müsabiqəyə ev sahibliyi etməsi ənənəyə çevrilsə də, tədbirin həyata keçirilməsinin mümkünlüyü, o cümlədən ictimaiyyətin təhlükəsizliyinin təmin edilməsi tələb edilir.

Obyektiv təhlildən sonra Avroviziya Mahnı Müsabiqəsinin İdarə Heyəti olan İstinad Qrupu dərin təəssüf hissi ilə belə qənaətə gəldi ki, Rusiyanın builki qalib ölkəni işğal etməsindən bəri davam edən müharibəni nəzərə alaraq, müsabiqənin keçirilməsi, tələb olunan təhlükəsizlik UA:PBC tərəfindən təmin edilə bilməyəcək.

Bu qərarın nəticəsi olaraq, AYB 2023-cü ildə müsabiqəyə bu ilin ikincisi kimi Böyük Britaniyanın ev sahibliyi etməsi üçün BBC ilə müzakirələrə başlayacaq.

Next Post

Previous Post

© 2022 INFE Azerbaijan

Theme by Anders Norén